දුකට සැපට Linux

ආයු බොහෝ වේවා !! :D 
සතියකට  පස්සේ  ආයෙම බ්ලොග  පැත්තේ එන්න ඕන කියල හිතුන . :)

බ්ලොග කියද්දී මතක් උනේ  ලඟදි  අහපු කතාවක්... :D :v  අහල තියෙනවද  දන්නෑ  කොල්ලෙක්  නම්  මැරෙන්න කලින්

• පැලයක්  හිටවන්න ඕන ,
• බ්ලොගක්  ලියන්න ඕන :p 
• පුතෙක් හදන්න  ඕන  

කියන වැදගත් කරුණු  3 සපුරල තියෙන්න  ඕන කියල  කව්ද මන්ද  පුරාණේ පණ්ඩිතයෙක් කියල තියෙනවලු  :p  මාත් දන්නේ  නෑ මටත්  යාලුවෙක් තමයි කිව්වේ :D  [දැන් ඉතින් කෙල්ලෙක් නම්  මොනවද කරන්න ඕන  කියල මගෙන් අහන්න එපා ඌ මට ඒක කිව්වෙ නෑ :p  :p  ]... 
පැල නම් ඉතින් හිටවල තියෙනවනෙ  ඕන තරම් :) ... බ්ලොගේ  වැඩෙත් හරි  වගේ  :p  :v

අනිත් වැදගත්  කාරණේ ට සපුරන්න  තව කල්  තියනවා  එව්වා  පස්සේ බලමු  නෙහ්  :D ;) 
 බ්ලොගක් ලියන එකේ  වැදගත්කම  කියන්න තමයි ඕක  කියන්න හිතුවේ  :v .. කොල්ලෝ ටික මේ කතාව හිතට අරගෙන  දැන්ම බ්ලොග් ලියන්න පටන් ගනීද  දන්නෑ  :3 ... එහෙම උනොත් ඉතින් අපිටත් පට්ට සතුටුයි හොඳේ :) (y)   
දැන් අද වැඩේ  පටන්  ගමු  නේද  :D 

          මාතෘකාව දැක්කම  මොකද හිතෙන්නේ .. :) 

මේ දවස්වල මගේ දුකට සැපට  ඉන්න කෙනා තමයි ඔය   :(   :)  <3

ජිවිතේ පලවෙනි වතාවට computer එකක් දැකපු දා ඉඳන් මට නම්  windows තමයි ඊට එහා දෙයක් තිබ්බේ නෑ ... කොහේ බැලුවත් ඉතින් windows තමයි පේන්න තිබ්බේ ...

Linux නිකමට හරි try කරේ  ඉතින්  Uni  ආවට පස්සේ ... First Semester එකේ යන්තමට මොනවදෝ මන්ද   කරා මතකයි බැන බැන.. මේ මොන මල  කෝලමක් ද කිය කියා  :D  [ මම දන්නවා  මිනිස්සුන්ට මතකයි  :p ]... එත් දැන් හිතෙනවා මේකෙත් පොඩි ආතල් එකක් තියෙනවනේ කියල ...

  Windows 8.1  එක්ක  Ubuntu-14.04 Linux  Dual Boot  කරන  විදිය තමයි මේ  අද  කියන්න හදන්නේ .

          ඕක කරන්න ගිහින්  නිදිමත විකාරෙන්   වැරදි  Drive එක select කරලා මගේ වටිනා කියන Files ගොඩක් නැති උනා <3  :'(  :(  මොකද ළඟ  Backup එකක් වත් තිබ්බේ නෑ...පස්සේ ඉතින් නිදිමරාගෙන හෙන ගේමක් දීල තමයි ටිකක් හරි  Recover කර ගත්තේ ... ඒකෙ  ගෞරවය හිමි වෙන්න ඕන අපේ චතුර සහෝදරයට...Thank you මචං  වස්සා (y) :) 

ඒක හින්ද කියන්නේ නිදිමතේ  නම් OS ගහන්න පටන් ගන්න එපා ;)  ...

External Hard  එකකට windows  backup එකක් ගන්නත් අමතක කරන්න එපා ... මොනව වෙයි ද sure නැති නිසා ..

ගොඩක් අය බයයි තනියෙන් මේ වගේ දේවල් කරන්න.... හැබැයි කරොත්  අලුතින් මොනවම හරි ඉගන ගන්න ලැබෙනවාමයි .. :)...
Backups ළඟ තියෙනවා නම්  මම නම් හිතන්නේ  බය වෙන්න ඕන නැහැ...අනිත් එක  ලැප් එක  තියෙන්නේ Fb  යන්නම  විතරක්ම නෙමෙයි  නෙ :p  
ඕන දෙයක් වෙච්චාවේ කියල  Try කරන්න තියෙන්නේ .. Try  and try  one day  you can  Die කියල කව්ද මන්ද  පණ්ඩිතයෙක්  [නෑ නෑ . මුලින් කියල තිබ්බ  පණ්ඩිතය නෙමෙයි  මේ වෙන කෙනෙක්  :p ] කියල තියෙනවලු :v  ...දන්නේ නෑ ඕව ඉතින්  ඒ උනාට try කරලම බලන්න ඕන  ඒ ආතල් එක තේරෙන්න ;)  

වැල්  බයිලා  නැතුව :p  වැඩේ  පටන් ගන්න කලින්  මේකත් කියන්නම ඕන  ...

Post එක ටිකක් දිග උනාම කියවන්න කම්මැලි හිතෙනවා  තමයි ... කම්මැලි හිතෙනවා  උනත් Ubuntu dual boot කරන්න  හදන කෙනෙක්ට රට වටේම දුවන්නේ නැතුව එක post එකකින් මොනවහරි  දෙයක් ඉගන ගන්න පුළුවන් වෙන්න  මම දන්න, මේකට  අදාළ දේවල් සේරම ටික එක post  එකකින්  cover කරන්න තමයි උත්සහ කරන්නේ ....

අනිත් එක කම්මැලි හිතෙන්නේ නිකන්  මේක කියවගෙන යන  අයට  මිසක් වැඩ කරන අයට  නෙමෙයිනේ :D

       ඉතින් කස්ටිය බය වෙන්න එපා මෙච්චර දේවල් කරන්න ඕනද මේකට කියල . එහෙම නෑ  පොඩි දේවල් ටිකක්  හරියට කරන්නයි තියෙන්නේ ...

කරන්න ඕන දේවල් ටික මම Summary එකක් වගේ ලියන්නම් .

        1.       Pen drive  එක bootable විදියට හදාගන්නවා  ubuntu image එක ඇතුලත් කරලා.

        2.       ubuntu install කරන්න Unallocated Space එකක් හදාගන්න ඕන .

        3.       Fast Boot mode , Secure Boot Enable කරලා තියේ නම්  disable කරන්න ඕනි.

        4.       ubuntu install  කරද්දී partitions ටික හරියට හදාගන්න ඕන
        5.       machine එක  boot  කරද්දී boot  කරගන්න ඕන OS එක මොකද්ද කියල select කරන්න ඕන.

මහා දිගට  ලොකුවට   post එක  තිබ්බට අන්තිමට   ඔය ටික තමයි  කරලා   තියෙන්නේ :D

මම  දන්න තරමින් මෙතෙන්දි  අපිව  ටිකක් හිර වෙන තැන්  කීපයක්  තියෙනවා .     
          1.Machine එක  flash  drive එකෙන්  boot කරද්දී    
          2.Ubuntu වලට  ඕන  partitions  කරද්දී     
          3.Ubuntu install කරාට පස්සේ  machine  එක  boot  කරන්න  කරද්දී

        ඔක්කොටම කලින් අපි ISO image එක දාල USB Pen drive එක bootable  විදියට හදාගන්න ඕනනේ  .bootable කරන ඒක අමාරු දෙයක් නෙවෙයි.. ඒක කරන්න  මම නම් පාවිච්චි කරන්නේ  Rufus  කියන  පොඩි  software  එකක්. ලේසියෙන් වැඩේ  කර ගන්න පුළුවන් මේකෙන්.. Download කරගන්න මෙතනින් .  
.
හරි ඊළගට  කරන්න ඕනේ ubuntu වලට කොච්චර space එකක් දෙනවද කියල බලන එක...Fun එකට  ubuntu  try කරන්න  ආස  අයට [මම වගේ  :p ] Free space  20 GB වගේ තිබ්බම  වැඩිත් එක්ක ඇති මම  හිතන්නේ  [වැරදි නම් නිවැරදි කරන්න හොඳේ ] partitions  වලදී වැඩි විස්තර කියන්නම්.


        Hard එක දැනටමත් windows වලට partition කරලනේ තියෙන්නේ .ඉතින්  ubuntu  දාන්න  නම් අපිට  වෙනම partition එකක් ඕන වෙනවා ..මෙතෙන්දි දැනගන්න ඕන දෙයක්  තමයි  windows  සහ ubuntu  use කරන file systems ගැන ...windows   වලට  නම්  සාමාන්‍යයෙන්  NTFS , FAT32 තමයි support කරන්නේ ..  Linux වලට සාමාන්‍යයෙන් බාවිතා කරන  File Systems තමයි  EXT2, EXT3 ,EXT4  කියන්නේ .මම නම් EXT4  තමයි බාවිතා කරේ... 
දැන්  බලමු  Free Space එක හදාගන්නේ කොහොමද  කියල ... මේකට මම දන්න ක්‍රම 2 ක් තියෙනවා .තව ඇති ඉතින්.

1. windows  එකේ Disk Management ගිහින්  ඕන volume එක Shrink කරගන්න එක 
2. තියෙන Partion එකක තියෙන දේවල් වෙන partition එකකට දාල  ඒ partition එක  අපිට ඕන විදියට third party  partition manager එකක්  බාවිතා කරලා  partition කරගන්න එක ... [AOMEI Partition Assistant Standard Edition 5.6 ]

Disk management එකට යන්න පුළුවන්  win+R  press කරාම එන Run එකේ  diskmgmt.msc කියල type කරලා Ok කරන්න .

ඊළඟට Shrink කරගන්න ඕන partition එක තෝරලා  Shrink Volume දෙන්න ... එතකොට එන window එකේ Shrink කරාට පස්සේ  එකියන්නේ කොච්චර space එකක් Shrink කරගන්න පුලුවන්ද කියල පෙන්නනවා ...එකට ඔයාට free space කොච්චරක් ඕනද  කියල  MB වලින් දාන්න ඕන ..මේකෙන්  ඔයාට windows වලට partition එකක් සහ  ඔයා දාපු MB ගානට අදාලව free space එකක් හම්බෙනවා ...අපි Ubuntu  Install කරන්න  බාවිතා කරන්නේ  ඔය හදාගත්ත free space එක තමයි .

දැන් අපිට කරන්න තියෙන්නේ  USB  drive එකෙන්  machine එක  boot කරන්න  ඕන හින්ද  Fast boot එක disable කරන එක ...ඒකට  Control Panel එකේ Power Options  ගිහින්  එතන තියෙන  system settings වලින් shutdown settings වල තියෙන  Fast startup (Recommended) කියන option එක uncheck කරලා save  කරන්න ඕන ..

ඊළඟට  කරන්න තියෙන්නේ  Secure Boot  Disable කරන එක.., ඔයාගේ machine එකේ BIOS settings  වලට යන්න වෙනවා  මේක disable  කරන්න ...BIOS වල boot  වල  ඇති  secure boot කියල... ඒක disable කරන්න .. ගොඩක් වෙලාවට  තව ඇති OS type   කියල එකක් ... එක UEFI නම් තියෙන්නේ  CMS හරි  legacy type හරි වගේ එකකට change කරල බලන්න වෙයි  නැත්නම් machine එක හරියට boot වෙන එකක් නෑ ...

ඔය ටික හරියට කරගත්තට පස්සේ pen drive එකෙන් machine එක boot කරන්න..
එතෙන්දි  එන window එකෙන් Try Ubuntu දෙන්න  ..එතකොට  ubuntu live mood එක තමයි එන්නේ ..
මේ වගේ desktop එකක් එයි ,,

මෙතෙන්දි  ubuntu install නොකර  ඕන නම්  වැඩ කරලා බලන්න පුළුවන් .. install කරන්න නම් desktop  එකේ තියෙන install Ubuntu 14.04 LTS  Icon එක Dub-clck කරාම හරි..

එතකොට installation එක පටන්ගත්තාම  language අරව මේවා select කරල ඉවර උනාම  මෙන්න මේ වගේ window එකක් ඒවි ..

මේකෙදි  Something Else  Option එක  tick කරලා  install now  click කරන්න ..

එතකොට  දැනට තියෙන machine එකේ  තියෙන partitions ටික බලාගන්න පුළුවන්  ....මතකනේ  අපි free space එකක් හදාගත්ත ...අන්න ඒක ප්‍රයෝජනෙට ගන්න තමයි දැන් හදන්නේ ... ඒ කියන්නේ  ubuntu වලට ගැලපෙන විදියට ඒ free space එක partition කරගන්නවා .  Ext4 file system එකෙන් .
සාමාන්‍යයෙන් මේ free space  අපි 3 කට කඩාගන්නව .. .  /root , /home , /swap කියල .. Root  එක  තමයි අපි ubuntu install කරන partition එක ...එකට ඉතින් ටිකක්  ලොකු size එකක්  දෙන්න වෙනවනේ..
SWAP area එකට නම් recommended  space එක  RAM එක වගේ  දෙගුණයක space එකක් .. එකියන්නේ RAM  එක 4 GB නම්  SWAP එකට 8 GB space දෙන්න ඕන..
ඉතුරු ටික  ඉතින් home එකට ... හැබැයි මම දන්න තරමින් root එකයි swap එකයි තිබ්බත්  වැඩ කරනවා ,අව්ලක් නැතුව .. :)

කරන්නේ මෙහෙමයි....

 මේ window එකේදී  ඔයා දීපු free space එක select කරලා [බොහොම කල්පනාවෙන් අහ් ] පහල තියෙන  (+) sign එක click කරන්න ....මේ හදන්නේ ROOT එක හදාගන්න ..

මේ විදියේ window එකක් ඒවි.. මට  snapshots ගන්න විදියක් නැති නිසා  මේ තියෙන්නේ  net එකෙන් හොයාගත්තු snap එකක් ..
use as කියන එක මතක ඇතුව  Ext4  journaling file system කියල දෙන්න .. mount point එකට   "/"
 කියල දෙන්න .. root  එකට  ඔයා දාන Size එක MB වලින් දෙන්න ... අනිත් දේවල්  ඔය විදියමයි ..ok කරාම හරි..
ඊළඟට දෙන්න ඕන partition එකේ size එක විදියට swap එකේ size එක අඩු කරලා [අර ratio එක මතකනේ  1:2  ] දෙන්න ..mount type eka ට   /home ... දීල ok කරන්න ...
ඉතුරු වෙන space එක SWAP එකට  ... මේකේ  use as : එකට Swap Area කියල දෙන්න ..එකට mount point එකක් නෑ ..

දැන් partitions ටික හරි .. install කරන්න  පටන් ගන්න root එක තෝරන්න ලිස්ට් එකෙන්[හරියට  බලල confirm කරගෙන  select කරන්න හොඳේ  නිදිමතේ නැතුව  :p  ] ..ඊටපස්සේ  install now click කරන්න ...දැන් ඉතින් අමාරු ටික ඉවරයි ....ඉතුරු ටික ඉතින්  අමාරුවක් නෑ. Next කර කර යන්න තියෙන්නේ... තියෙන්නේ පොඩි පොඩි දේවල් ටිකක්  .. :D

            හරි  ඔන්න  දැන්  අපි Ubuntu  14.04  අපේ machine  එක ට  Install කරලා ඉවරයි   :D ...

මෙතෙන්දි සමහර විට  එන පුළුවන්  එක ප්‍රශ්නයක්  තමයි Machine එක restart කරද්දී  එක්කෝ Ubuntu වලින් වලින් විතරයි නැත්නම්  Windows වලින්  විතරයි  boot වෙන්නේ ... boot කරන්න  ඕන  OS  එක  අපිට තෝරාගන්න විදියක් නෑ ....GRUB එක  එන්නේ  නෑ ...ඒ කියන්නේ  boot loader එකේ ප්‍රශ්නයක් ...  ඉතින් ඕක fix කරන්න  අපිට boot loader එක repair කරන්න වෙනවා... [ GRUB කියන්නේ  GRand  Unified Bootloader කියන එක... මේක multiple operating systems  වලට  support කරන   multi-bootloader package එකක් ... සරලව කිව්වොත් ඔයාගේ computer එකේ OS එකකට වැඩියෙන් install කරලා තියෙද්දී  GRUB එකෙන් තමයි ඔයාගෙන් අහන්නේ මොන OS එකෙන්ද boot කරන්න ඕන කියල  :) ] 

කොහොමද කරන්නේ  ? 

          මෙහෙමයි  ඒකටඅපිට යන්න  වෙනවා Ubuntu terminal එකට ... Windows වලින් විතරක් නම් boot වෙන්නේ  කොහොමද යකෝ Ubuntu terminal යන්නේ  කියල ඇහුවොත් උත්තරේ තමයි USB drive එකෙන් ආයේ  Machine එක  boot  කරලා Live mode යන්න .. 
හරි ගිහින්  මෙන්න  මේ code  එක  එකින් එක Enter කරන්න ... එතකොට boot-repair කියන පොඩි  program එකක්  download වෙලා Install වේවි .මේකට ඉතින් Net Connect වෙලා ඉන්න ඕන..
     
        sudo add-apt-repository ppa:yannubuntu/boot-repair
        sudo sh -c "sed -i 's/trusty/saucy/g' /etc/apt/sources.list.d/yannubuntu-boot-repair-trusty.list"
        sudo apt-get update
        sudo apt-get install -y boot-repair && boot-repair

       Net එක  search කරලා හොයාගත්ත  code  එකක් තමයි  ඔය ... Recommended  කියල  තමයි තිබ්බේ .
එත් ඕක මට හරි ගියේ නැහැ .. 
ඕකේ අන්තිම line  එකේ   && boot-repair   වෙනුවට  && (boot-repair &)  දාල  තමයි  මම නම්  වැඩේ ගොඩ දාගත්තේ  :D

ඊට පස්සේ ඉතින්  තියෙන්නේ ඒ program එකේ  කරන්න කියන ඒවා ඒ විදියට කරන එක තමයි... මේකෙන් කරන්නේ GRUB  එක reinstall  කරන එක... නැතුව වෙන මොනවා කරන්නද නේද :p
ඒ විදියට කරාට පස්සේ   restart කරන්න .... සමහරවිට  එත් GRUB එක එන්නේ නැති ව  windows වලින්ම boot  වෙයි ... එතකොට  windows වල Command Prompt එක  දන්නවනේ. ..එක “Run as Administrator” වලින්  open  කරගෙන  මේ  command  එක දීල බලන්න...  :)


          bcdedit  /set "{bootmgr}"  path  \EFI\ubuntu\grubx64.efi

[හැබැයි  kali  linux  පාවිච්චි කරන අය ට ඔය ප්‍රශ්න මුකුත් නෑ හොඳේ  ... ^_^   ]

ඊට පස්සේ  පස්සේ   machine එක reboot කරාම හරි . GRUB window  එකෙන්  ඔයා  කැමති  OS  එක  තෝරාගන්න තමයි තියෙන්නේ ...Grub  එකේ snapshot එකක්  ගන්න විදියක් මට නැති  නිසා එකේ තියෙන්න පුළුවන් දේවල් ටික මෙහෙම ලියන්නම්

        Ubuntu  14.04        
        Ubuntu recover mode
        Windows boot loader හරි Vista boot loader  හරි ඒවගේ එකක්


       ඔය වගේ  තව ඒවා තියෙන්න පුළුවන් ...සාමාන්‍යයෙන්  ඔය වගේ තමයි select කරන්න තියෙන optitions  :)  

ඉතින්  ඔය විදියට  Grub window එක ආවම අපි ඕන එක select කරේ නැත්නම්  default boot වෙන්නේ  ඉස්සෙල්ලම තියෙන  option එක ...[මේකේ විදියට නම්  Ubuntu 14.04] .හිතන්න අපි ට ඕනේ  default windows  boot කරගන්න කියල ...එතකොට අපිට ඔය order  එක වෙනස් කර ගන්න වෙනවා .
මෙතන boot options ,  Index කරලා තියෙන්නේ ...හැබැයි  1 න්  නෙමෙයි පටන් ගන්නේ .. 0 න් ... 0,1,2 විදිහට .. [ඒ කියන්නේ  මෙතන විදියට නම්  windows  වලට අදාල index එක වෙන්නේ  2 ]..

           ඒවිදියට  windows වල index එක මොකද්ද කියල හොයා ගත්ත ට  පස්සේ  අපිට  පුළුවන්  GRUB එක  Customize කරගන්න . මේකට  GRUB Customizer වගේ program එකක් උනත් කැමති කෙනෙක් ට  බාවිතා කරන්න පුළුවන්... දැන්  මම කියන්න යන්නේ  Terminal එකෙන්  වැඩේ කරගන්නේ කොහොමද කියල ...
 මුලින්ම boot loader එකේ backup එකක් අරන් ඉන්න ඕනේ මොකෝ වැඩේ දෙල් උනොත් කලින් තිබ්බ විදියටම හදාගන්න පුළුවන්නේ .

           sudo  cp  /etc/default/grub  /etc/default/grub.bak

ඊළඟට  gedit එකෙන්  grub configuration file එක open කරගන්න ඕන .

           sudo  gedit /etc/default/grub

[ kali  භාවිතා කරන අයට පුළුවන්  gedit  වෙනුවට leafpad  භාවිතා  කරන්න ]
මේ තියෙන්නේ  grub Configuration  file එකක් ...

මේකේ ඔයාට  පේනවා ඇති  GRUB_DEFAULTS = 2  කියල line එකක් ... ඔතන සාමාන්‍යයෙන් තියෙන්නේ  0 කියල ... මට ඕන index එක 2 නිසා  තමයි 2 දාල තියෙන්නේ ...

දැන් මෙතන ඔයාට default boot කරගන්න ඕන index එක දාල save කරගන්න .

ඊටපස්සේ  මේක update කරන්න ඕන මොකද අපි එක වෙනස් කරානේ .

            sudo update-grub

ඔන්න ඒ වැඩෙත් හරි  :D   දැන් තියෙන්නේ  ඉතින් ubuntu  ගැන ඉගන ගන්න එක තමයි ...

Type කරලම  ඇඟිලිත් රිදෙනවා ... ඇති වගේ  නෙහ්  :p

කලිනුත් කිව්වා වගේ post එකේ තියෙන වැරදි පෙන්නලා දෙන්න කියල තමයි කියන්නේ ... විශේෂයෙන්ම අපේ Linux බලකායේ  සහෝදරත්වය  මාව නිවැරදි කරයි කියල බලාපොරොත්තු වෙනවා :) (y) ...

මෙතන මම ලිව්වේ ඉතින් මට වැරදිච්ච දේවල් සහ  ගොඩ දාගන්න  මම බාවිතා කරපු  ක්‍රම ටික  ... මේ ක්‍රම වලට වඩා ලේසි ක්‍රම ඇති ...ඒවා comment එකක  දාල යන්න   හොඳේ ...

"  ජිවිතේ   හරිම  කෙටී   -   කාලය   පට්ට   වටී

කියෙව්වාට  තුති             -    තටා ට   ඒ  ඇති     "

 ගිහින් එන්නම් !!!

!!! ජයවේවා  !!!